Text des Monats November 2023

zurück

Relinde Niederländer (Limbach)

Fa´s Vaderland

(Volkstrauertag steht im Kalender)

Zwanzisch Johr war´er woor.

Kampf fa´s Vaderland

hann se gesaat,

hat´er geglaabt.

E Holzkreiz iss´em geblieb

vunn´em Vaderland.

Relligd in fremder Erd,

eenzisch Erinnerung

an e viel se korzes Lääwe.

Kinner hat´er nett gehatt,

Zeit hat´er nett gehatt,

wä´m Vaderland.

E Holzkreiz mett Name,

Geburts- und Sterwedadumm,

e winzisch Fleggelsche Erd.

Unn immer wachst Gras driwwer,

jeed Johr sauwer gemäht,

Dank vunn´em Vaderland.

Zwanzisch Johr war´er woor.

Unn vielleicht iss der,

der ´ne domools erschoss hat,

aa nett viel älder woor,

fa sei Vaderland.

In Mundartpost Nr. 90