Text des Monats Oktober 2025
zurück
Lucien Schmitthäusler (Saargemünd)
Land im Herbscht
E groi Mähn schläft’s Newelperd
durch Wiese, Hecke unn de Wald
An Silwernähts kràwelt de Erd
In de Sunn durch e Felse-Schpàlt
Spät im Morjed goldegeelich
plotz es Licht de Dàà dehin
Newelbrich schmilze rebellich
unnerm erschte Sunneschin
Làngs em Dal um de Fusspàthe
Leyt de Grummedwies geschor
Nurne spinne e Schiksaalsfàde
Spinne träme drin wie verlor
Fischt àm Bodde steht de Luft
in de Naggärschel ihr Stràhle
De Saar steht do blànk unn glatt
umspieggelt von alle Farwe
betz e Fusch Burzelbuck schlààt
In hunnerte Schpritzergarwe
De Owed lejt sich gej de Viere
schleppt betz sechs àm Wald erum
Làngsàm licht Finschter unn Diere
S’Duschtre beppt dran still unn stumm
S’isch de Alt-Weywer-Summer
(Aus: Lucien Schmitthäusler: Von himmelbloe Schlecke, 2010, S. 67)