Text des Monats Januar 2025
zurück
Heinrich Kraus (St. Ingbert)
Enn isch Anfang
Dezemberenn. Es Johr loßt noh.
Sei Hänn sinn strack unn kalt.
Es därmelt, stolwert, fallt.
De letschte Newwelhauch flieht groh.
Hat's uns geholf? Hat's uns betroh?
War's Friede? War's Gewalt?
S'gibt käner, der wo's halt.
Unn hoppla … schon steht s'nächsche do!
All unser Hoffe gelt jetz dem,
well das hat, grad awejl entstann,
bis jetz nix falsch gemacht.
Es plärrt, wie wenn's bej uns dehäm
wär, äm ins Ohr, so laut wie's kann,
pitscht unser Wein unn lacht!
Aus: „Domols unn heit – Dengmerder Weihnachtsbuch“. Wassermann Verlag
St. Ingbert 1994