Text des Monats Oktober

Heinrich Kraus (St. Ingbert)

Zuuchvöchel

Grad als hätte se naachts still in ihrm Nescht gehuckt

un e Stimm, wo bloß sie heere, hätt laut geruf,

dass se off solle stehn, sich

richte for dene weite Fluuch.

Ganz vergess isch de Dah: Arwed, Gesang un Jachd.

Käner kimmert sich um's Nescht. Soviel Mieh hat's koscht!

Was ne gischter noch alles

war, isch nix meh. Wer guckt serick?

Annerscht sin mit äm Schlach? Losse, wo ma dran hängt?

Insegehn in e Schwarm, horche un ohne Angscht

fortsefliehe ins wejte

Land? Wem traue se bloß so fescht?

Dausend Flischele dun flattere. Jeder wäß,

welli Richtung ma gleich inschlahn muss, weller Wäh

äm schnurstracks an es Ziel fehrt

iwwer Länner, Gebirsch un Meer.

Dah un Nacht in de Luft. Weiter! Es ruft die Stimm.

Kejle, Rejhe un Schwärm rase. Es ruft die Stimm.

Mir stehn junne un gucke.

Horche! Heeren ihr nit die Stimm?

Aus: H. Kraus „Allseiläbdah“ Autedition Miesau 1977