Text des Monats Dezember 2023

zurück



Esther Dewes (St. Ingbert-Sengscheid)


Ball ess Weihnachde


Schbääd hann die Bääm es Laab abgeschmiss

unn langsam werds aa kälder.

Die Äbbel geraffd die Biere, die Niss,

die Frucht geholl von de Felder.

Weihnachde kommd. In de ledschde Johr

zu warm unn nemmeh schneeweiß.

Die Weihre senn noch nedd zugefrohr

medd diggem unn feschdem Eis.

Lischderkedde enn all de Schdrooße

scheine nur off blanker Teer.

Mensche wisse nemmeh wo se

laafe, blicklos hinnerm Gligg deher.

Unn isch Schossel laafe medd,

blend for all die scheene Sache.

Dabber, dabber, Schrett vor Schrett.

Bes mer offfalld was isch mache.

Halle oohn unn luuhe um misch:

„Ach, wie fähld mer doch der Mann

Medd Käschde, die mer esse kann.“



In Mundartpost Nr. 90