Text des Monats Dezember 2022

zurück

Relinde Niederländer (Limbach)

Ball iss Heilisch Owett, was mache ma?

Schunn widder Weihnachde.

Die Oma iss dissjohr alleen,

de Vadder lääbt nimmie,

Was mache ma?

Meer kenne se jo Heilisch Owett nett alleen losse.

Gehn ma hien,

odder hole ma se häär.

Gehn ma hien,

kenne ma heemfahre, wann ma wolle,

hole ma se häär,

misse ma se widder heemfahre,

kann eener vunn uns nix dringge.

Nett dass se noch uff die Idee kommt

iwwer Naacht se bleiwe.

Am erschde unn zwedde Weihnachtsdaa

will ich mei Ruh hann,

meer schaffe s´ganz Johr.

Sie sellwer will jo aa nimmie koche.

Unn dann das Gejammer,

weil de Vadder nimmie lääbt.

Es iss jetzt halt so,

wie er noch gelääbt hat,

hat se gejammert iwwer die viel Awett mett´em.

Ich maan das Gejammer nimmie heere.

Also, was mache ma?

In Mundartpost Nr. 86