Text des Monats Oktober 2023

zurück





Eugen Damm (Kaiserslautern)


De Schtammdisch


Dess war schun alle Zeite so,

nirgends werd scheints mäh geloh

als am Schtammdisch im Lokal.

So wars schun Annodazumal.


Do werd geschääkert un gelacht

un oftmols Bollidig gemacht,

werd gehännelt, dischbediert,

rumgedobt un lamediert.


Werds manchemol zu kunterbunt,

schmeißt de Wärt e „Friedensrund“.

Schnaps verbindet – deshalb mään ich,

sinnse sich glei widder äänich!



In Mundartpost Nr. 89