Text des Monats August 2022
Peter Stolz (Heckendalheim)
Klimawannel
Wann de Sommer sei mächdiche Schwinge
iwwer de Welt unerbittlich spannt,
unn warme Winde kenn Abkiehlung bringe,
dann stehnt das heiße, vertroggelte Land.
Trooschtlos stehn die friehreife Ähre,
verkrebbelde Halme fascht ganz ohne Koor,
wie wann se fremd unn unneerich wäre,
verdorb unn verbrennt unn fer alles verlor.
Seit langer Zeit schon warde die Wälder
verängschdicht unn stéll off drei Trobbe Reen.
E bessje Reen unn e kleen bessje kälder,
doch fer mancher Wald war‘s zu spät geween.
De Mensche duts awwer genauso ergehn,
sie schleiche versteert ém Schadde erum.
Sie kénne die grusslich Hétz nét verstehn
unn froe verzweiwelt: „Wie ésch das bloß komm?“
In Mundartpost Nr. 85